1. 點解會想做一個老師既
其實如果講最早期，小學一年級嗰陣覺得改簿好似好得意 wor (後悔 lol)，又可以貼貼紙，於是想做老師，到中一就更加確定自己想做老師
2. 做老師最開心最滿足係?
同其他老師一樣，其實師生關係係我鍾意既，有時候同學寫既說話會令我有動力繼續教學 
教到成績好既同學固然開心，但其實接觸到同學既心比起成績更重要，我亦重視同學品格多於成績
3. 放假後會繼續教書嗎?
我朋友有話可能我出去看世界後就未必想繼續教書，但我到呢個 moment 仍然想教書的，因為呢樣嘢係我有滿足感，好 enjoy 做既事
4. 出發前對世界既想像
其實今次我覺得唔係單純去旅行（唔會辭職去旅行啦 orz)，仲想去體驗，我希望認識多 d 我地個世界，望下唔同景色。人呢，我都想去感受下唔同地方既人既風格係點，我想睇下離開商業既香港後，去簡單 d 落後 d 既地方既人係點的
5. 有今日既成就最想多謝既係…
我都有同自己班既同學分享過，其實我小學讀書唔叻，每次都係中下成績，我相信我既小學老師無人會想過我最後會去左教書
我覺得我做到同學都愛錫，鍾意既 Kenry Sir 要多謝我既中學老師們
雖然我做既嘢有 d 無老師係我身上做過，但我既成長環境好有愛，所以我先可以將呢份愛延續落去
當然亦好多謝屋企人既支持
6. 假期後…想像自己有咩唔同
我期望做到最基本既個個目標，擴闊視野，睇多 d 個世界，我期望返到來如果繼續教書會係一個除左考試，亦帶到世界觀比同學既老師，當然我亦希望個人會有成長
有故事的人 Story Teller | Kenry Lee 