前言: 朋友相約到餐廳《復仇者》，望到 open rice 個名，立刻問朋友同 Marvels 有無關係，去到發現同復仇者聯盟無關，仲見到有個復仇信箱，見到年輕情侶拍住上打理餐廳，於是決定問下創辦人之一 Jason 嘅故事。
1. 改餐廳個名《復仇者》背後理念係咩呢？同復仇者聯盟有無關係呢？
其實同復仇者聯盟完全無關係。記得有次晚餐聽到隔離檯傾計，成檯人係到幫個朋友度個復仇大計，覺得好有趣所以呢個 concept 係我腦到，其實只係單純想俾啲客係到傾下計。
我地個復仇信箱係俾顧客分享自己嘅故事，不過 70% 都係感情事。
我會覺得大家唔好忽視負能量，如果係到食飯傾下是非令佢地開心啲，都係處理負能量嘅一個方法。
K: 點解你會有呢個想法設立信箱呢？
其實係源於電影《解憂雜貨店》，戲入面都有信箱俾人匿名分享自己故事，我地收到會回覆，亦俾其他顧客回覆。
K: 但啲客走左未見唔到個回覆？
下次再幫襯未見到！同埋我有時都會係Instagram 分享啲故事。
2. 開業至今有無因為餐廳名發生趣事呢？
我記得有次有班人嚟到見到我地個名所以食飯傾計都轉左話題，講下是非咁，其實最緊要都係大家食飯個陣開心。
K: 有無好多人因為以為你地呢到同 Marvels 有關所以到訪？
有呀，好在佢地嚟到見到無關係都無走左去。
3. 同女朋友以餐廳創業有無特別原因㗎？
其實主要都係我地鍾意飲飲食食，我地都想分享好嘅食物俾其他人。同埋我本身有玩音樂，而家我有一個空間可以玩音樂。
K: 但選擇中環唔怕貴租？
我地本身都有留意其他地區的，不過覺得中環感覺 chill 啲，我地唔想啲客嚟到急急食完就走，所以我地有信箱可以寫自己故事，仲有部足球機添，等大家可以一齊玩，贏左我仲有折，之前我連勝左七十幾場，最近先俾人贏左！
我地食物唔量產，好多都係每日限定，我地希望做到重質不重量。
4. 你地呢到好似好多菜色都係 fusion?
其實 fusion 可以話係我地主打添呀，我地想嘗試將中式食品用西式煮法烹調，例如我地有普洱雞翼，仲有飲品我地都中西合壁，例如蜂蜜檸檬鐵觀音，希望帶來點新意。我地其實而家研發緊甜品，稍後推出。
5. 你地希望《復仇者》達到咩目標呢？
做餐廳當然希望多啲人留意我地嘅嘢食，由於好多食物都係我地自創，我地希望可以大啲迴響。
後記：係香港創業雖然真係唔容易，但我好欣賞其實好多香港人好有創意，亦希望同其他人分享佢地呢份創意。有興趣嘅朋友可以去 instagram search and like “avengers.hk” 睇下有咩好嘢食！
有故事的人 Story Teller | Kenry Lee 